Msondo Ngoma yapata Tuzo ya 'The Best Rhumba Group' katika East Africa Music Awards

Shaban Dede

 BENDI ya muziki wa Dansi ya Msondo Ngoma imepata TUZO ya  ' The Best Rhumba Group'  katika Tuzo za Miziki Afrika Mashariki mashindano yaliyofanyika Nairobi Kenya na kushirikisha bendi za Afrika Mashariki.

Akithibitisha ushindi huo Meneja wa bendi, Saidi Kibiriti alisema wameshinda tuzo hiyo na watahakikisha wanaionesha kwa mashabiki wa bendi hiyo ili kudhihirisha kuwa bendi yao ipo ng'ang'ari.

Bendi hiyo itaanza mazoezi siku ya jumatatu kwa ajili ya kujiandaa na Sikukuu ya Idd inayotarajia kufanyika wiki ijayo ambapo wanaingia kambini kusuka vibao vipya ikiwemo na kuvifanyia kazi vile vya zamani.

Kibiriti alisema bendi hiyo siku ya Iddi Mosi itapiga katika Viwanja vya TCC Chang'ombe ambapo mashabiki watapata kuona tuzo hiyo ya Afrika Mashariki walioitwaa hivi karibuni na kupata fulsa ya kupiga nayo picha katika viwanja hivyo

Msondo Ngoma kwa sasa inatamba na vibao vyake vipya vya 'Suluu' uliotungwa na Shabani Dede na 'Nadhili ya Mapenzi' uliotungwa na Juma Katundu