Rais Kikwete amjulia hali msanii wa Ze Orijino Komedi 'Vengu'

Rais Jakaya Kikwete akimjulia hali msanii wa kundi la Ze Orijino Komedi, Joseph Shamba a.k.a “Vengu”,  aliyelazwa katika Hospitali ya Taifa Muhimbili kwa wiki kadhaa sasa. PICHA/IKULU

                                     ***********************************************

Rais wa Jamhuri ya Muungano wa Tanzania, Mheshimiwa Jakaya Mrisho Kikwete jioni ya leo, Jumamosi, Novemba 5, 2011, amemtembelea hospitali na kumjulia hali msanii wa kikundi maarufu cha maigizo nchini cha The Orijino Komedy, Bwana Joseph Shamba.

Bwana Shamba mwenye umri wa miaka 28 na anayejulikana kwa umaarufu wa Vengu amelazwa kwenye wodi ya Mwaisela, kwenye Hospitali ya Taifa ya Muhimbili mjini Dar es Salaam.

Kwenye Hospitali hiyo, Rais Kikwete ameweza kumjulia hali Bwana Shamba na akapata muda wa kuzungumza na mama yake mzazi msanii huyo, Bibi Ephrania Kongas pamoja na kaka yake, Bwana Jonas Dominic Shamba ambao walikuwa wakimhudumia mgonjwa huyo.

Pamoja na ndugu zake hao alikuwepo msanii mwingine wa kikundi hicho Bwana Emmanuel Mgaya maarufu kwa jina la Masanja.