Wafanyakazi Airtel wajenga Darasa la kisasa katika Shule ya Msingi Pongwe -Tanga

Mkurugenzi wa Jiji la Tanga, Daudi Mayeji akisaidiwa na Mkurugenzi wa Huduma kwa Wateja wa Airtel Tanzania, Adriana Lyamba (kushoto), kukata utepe kuashiria kupokea darasa jipya lililojengwa kwa udhamini wa Wafanyakazi wa Airtel kama sehemu ya huduma kwa jamii, kwa ajili ya watoto wenye mahitaji maalum katika Shule ya Msingi Pongwe jijini Tanga jana. Wanaoshuhudia (kutoka kulia) ni Diwani wa Kata ya Pongwe, Udhia Juma (mwenye hijab) na baadhi ya wafanyakazi wa Airtel.

Mkurugenzi wa Huduma kwa Wateja wa Airtel Tanzania, Adriana Lyamba akiwahudumia chakula cha mchana baadhi ya watoto wenye mahitaji maalum baada ya kukabidhi darasa jipya lililojengwa kwa udhamini wa Wafanyakazi wa Airtel kama sehemu ya huduma kwa jamii, kwa ajili ya watoto hao, katika Shule ya Msingi Pongwe jijini Tanga jana.

Mkurugenzi wa Jiji la Tanga, Daudi Mayeji (kulia) na Mkurugenzi wa Huduma kwa Wateja wa Airtel Tanzania, Adriana Lyamba (kushoto), wakishiriki chakula cha mchana na watoto wenye mahitaji maalum katika hafla ya kukabidhi darasa jipya lililojengwa kwa udhamini wa Wafanyakazi wa Airtel kama sehemu ya huduma kwa jamii, kwa ajili ya watoto hao, katika Shule ya Msingi Pongwe jijini Tanga jana.

Mkurugenzi wa Jiji la Tanga, Daudi Mayeji (wa pili kulia) akimpongeza Mkurugenzi wa Huduma kwa Wateja wa Airtel Tanzania, Adriana Lyamba baada ya kukabidhi darasa jipya lililojengwa kwa udhamini wa Wafanyakazi wa Airtel kama sehemu ya huduma kwa jamii, kwa ajili ya watoto wenye mahitaji maalum, katika Shule ya Msingi Pongwe jijini Tanga jana.

Mkurugenzi wa Jiji la Tanga, Daudi Mayeji (wa pili kulia) akizungumza na mmoja wa watoto mwenye mahitaji maalum baada ya kukabidhiwa darasa jipya lililojengwa kwa udhamini wa Wafanyakazi wa Airtel kama sehemu ya huduma kwa jamii kwa ajili ya watoto hao, katika Shule ya Msingi Pongwe jijini Tanga jana. Kulia kwa ni Mkurugenzi wa Huduma kwa Wateja wa Airtel Tanzania, Adriana Lyamba.

Wafanyakazi wa Airtel Tanzania wakiwahudumia chakula watoto wenye mahitaji maalum katika hafla ya kukabidhiwa darasa jipya lililojengwa kwa udhamini wa Wafanyakazi hao kama sehemu ya huduma kwa jamii kwa ajili ya watoto hao, katika Shule ya Msingi Pongwe jijini Tanga jana.

xxxxxxxxxxxxxxxxxxxxxxxxxxxxxx

•    Wasanii king kikii na Banana zoro washiriki kuchangisha pesa za ujenzi
•    Ujenzi na samani vyagharimu milioni 28.

WAFANYAKAZI wa kampuni ya simu za mkononi ya Airtel katika kitengo cha huduma kwa wateja na wasanii wakongwe nchini King kikii na Banana Zolo wameshirikiana kukusanya fedha na kujenga darasa la kisasa litakalotmiwa na watoto wenye mahitaji maalum katika shule ya msingi Pongwe yenye wanafunzi wapatao 1000 nje kidogo ya jiji la Tanga.

Akikabidhi msaada huo katika hafla iliyofanyika shuleni hapo, Mkurugenzi wa Kitengo cha Huduma kwa Wateja wa Airtel, Bi. Adriana Lyamba, alisema msaada huo umewezekana kwa kupitia mradi wa kampuni hiyo wa kuisaidia jamii wa “Airtel Tunakujali” unaoungwa mkono kwa michango ya wafanyakazi wake kwa kushirikia na marafiki na wadau mbalimbali.

Leo wafanyakazi wa Airtel kitengo cha huduma kwa wateja tumefanikiwa kubadili mtazamo wa shule hii ya Pongwe kwa kuwajengea jengo la kisasa lenye uwezo wa kuchukua wanafunzi wapatao 45 na madawati mapya 32.

Alisema kampuni ya Airtel imekuwa ikitilia mkazo maendeleo ya vijana hapa nchini. Hivyo shule ya Pongwe imekuwa miongoni mwa shule zilizoweza kuingia katika mfuko wa mradi wa “Airtel Tunakujali” ili kuinua kiwango cha elimu hapa nchini.

“Lengo la mpango huu ni kuboresha mazingira ya wanafunzi na walimu mashuleni. Tukiamini kuwa elimu bora huchochewa na mazingira bora ya kujifunzia wak wanafundzi nay a kufundishia kwa walimu,” alisisitiza Lyimba.

Kwa upande wake Mwalimu wa watoto wenye mahitaji maalum wa shule hiyo bw, Yahaya Mwachalika amesema, “jengo hilo ni Faraja kubwa  kwetu na wanafunzi wa Pongwe kwani  kwa muda mrefu tumekuwa tukisomea nje kutokana na uhaba wa madarasa. Msaada huu ni mkombozi kwetu kwani kwa sasa wanafunzi wetu wa awali watakuwa na mahala pazuri kwa kusomea na kuondokana na adha ya kujifunza wakiwa nje.

“Kwa niaba ya walimu, wazazi na wanafunzi wa shule ya msingi ya Pongwe napenda kutoa shukrani zetu za dhati kwa kuweza kututengenezea darasa lililobora na imara. Kutokana na msaada huu tuanaamini kabisa idadi ya watoto itaongezeka kwa sasa na wazazi watapata moyo zaidi wa kuwaandikisha watoto wao hapa shuleni hasa ukizingatia wengi wa wanafunzi wetu wanchangamoto zinazotokana na ulemavu. ”, alisema bw. Mwachalika.

Airtel Tanzania kupitia mradi wake wa Airtel Tunakujali maalum kwa kusaidia jamii tayari imeshasaidia pia Shule ya Msingi Kumbukumbu iliyopo Kinondoni jijini Dar es salaam na shule ya Msingi Ushindi iliyopo jijini Dar Es Salaam ambapo mkakati wa mradi ni hadi kufikia mwishoni mwa mwaka huu utakuwa umefikia shule nyingine tano.