Matunda ya Menejimenti Mpya National Housing Corporation (NHC) yaanza kuonekana

Mkurugenzi Mkuu wa NHC, Nehemia Mchechu

Menejimenti mpya ya Shirika la Nyumba la Taifa (NHC), inastahili pongezi baada ya kuanza kuzikarabati nyumba zake zilizopo katika maeneo mbalimbali ya Jiji la Dar es Salaam.

Daily Mitikasi Blog inatoa pongezi hizi baada ya kupitia katika maeneo mbalimbali na kukuta nyumba hizo zikiwa kwenye muonekano mpya hali inayozifanya zipendeze  na kila anaeziona anaweza kuzitambua mara moja kuwa hizo ni nyumba mali ya NHC.

Blog hii inatoa pongezi kwa nini? Ni kwa sababu inaamini kuwa hakuna tena utapeli unaoweza kufanyika kupitia kwa baadhi ya wapangaji wa nyumba hizo ambao siyo waadilifu wa kuzipangisha kwa watu wengine bila ya shirika kujua wakidai  wanazimiliki. Kwa muonekano wa sasa ni dhahiri kuwa hakuna mtu yeyote atakayeshindwa kuzitambua kuwa ni mali shirika hilo.

Daily Mitikasi Blog inakupa 'BIG-UP' Mkurugenzi Mkuu wa NHC, Bw. Nehemia Kyando Mchechu na timu yako yote na inawatakiwa kila la kheri katika ujenzi wa taifa letu.

Kamera ya blog hii iliweza kuzinasa baadhi ya nyumba za shirika hilo zinazovutia baada ya kufanyiwa ukarabati katika eneo la Upanga Barabara ya Ali Hassan Mwinyi jijini Dar es Salaam.