Airtel yaja na Internet ya 3.75G ili kutoa Ubora na Kasi zaidi kwa wateja wake

Mkurugenzi Mkuu wa Kampuni ya Simu za Mkononi ya Airtel Tanzania, Sam Elangalloor akizungumza na waandishi wa habari wakati wa uzinduzi wa Huduma Mpya ya Internet ya 3.75G uliofanyika katika Makao Makuu wa Airtel jijini Dar es Salaam leo Machi 13.12.  3.75G ni huduma ya internet yenye ubora na kasi zaidi kwa watumiaji wenye simu zenye uwezo wa kutumia internet wawapo mahali popote. Kushoto ni Mkuu wa Mahusiano wa Airtel, Beatrice Singano Mallya na (kulia) ni Meneja wa Maendeleo ya Bidhaa wa Airtel, Salim Madati. PICHA ZOTE/JOHN BADI

Mkurugenzi Mkuu wa  Airtel Tanzania, Sam Elangalloor akiwaonyesha waandishi wa habari jinsi ya kuweza kutumia internet ya 3.75G kupata matukio mbalimbali kupitia simu ya mkononi.

Salim Madati akitoa maelezo ya kina kuhusu huduma hiyo mpya ya internet ya 3.75G.

Meneja Masoko na Usambazaji wa Huawei Technologies (T) Co. Ltd, Ramadhan Nkanyemka (kushoto), akitoa ufafanuzi kwa waandishi wa habari kuhusu aina mbalimbali za moderm zinazouzwa na kampuni yake mara baada ya uzinduzi huo.

Mkurugenzi Mkuu wa  Airtel Tanzania, Sam Elangalloor akikabidhi zawadi ya moderm ya 3.75G kwa mwandishi wa habari wa TBC, Jane John baada ya kushinda bahati nasibu ndogo iliyochezeshwa wakati wa uzinduzi huo. Katikati ni Mkuu wa Mahusiano wa Airtel, Beatrice Singano Mallya.

Waandishi wa habari wakiangalia 'game' kupitia mtandao wa internet wa 3.75G, wakati wa uzinduzi huo.

Mwandishi wa Habari wa TBC, Jane John akifurahia zawadi yake ya Moderm ya 3.75G

Mkuu wa Mahusiano wa Airtel, Beatrice Singano Mallya akifafanua jambo kwa waandishi wa habari kuhusu huduma hiyo mpya. Kulia ni Mkurugenzi Mkuu wa  Airtel Tanzania, Sam Elangalloor.

 *******************

Airtel Tanzania leo imepiga hatua kubwa katika kujenga na kukuza mtandao wa teknolojia ya 3.75G Africa kwa  kuzindua rasmi  mtambo wa 3.75G nchini Tanzania,ambapo Airtel itatoa huduma ya internet yenye ubora na kasi zaidi  kwa watumiaji wenye simu zenye uwezo wa kutumia internet wawapo mahali popote.

Mkurungenzi Mkuu wa Kampuni ya simu za mkononi ya Airtel, Sam Elangalloor alieleza” kukua kwa teknolojia hii kutakuza ufanisi katika vyombo mbalimbali vya  mawasiliano (multimedia), kwa kuwa 3.75G itatoa internet yenye ubora na kasi  zaidi kwa  kuwezesha wateja  kufungua tovuti mbalimbali, kufanya maongezi  ya simu kwa njia ya video , kuangalia TV, kutuma na kupokea barua pepe na pia  kupata muziki kutoka kwenye tovuti  kwa kutumia simu.

Teknolojia ya 3.75G itatoa nafasi kwa wateja kupata mawasiliano ya data kwa njia tofauti na ya pekee kabisa, ndio maana leo Airtel tunajisikia fahari kuwa internet yetu ya 3.75G ni uvumbuzi na muendelezo wa mtandao (platform) wetu ili kuwawezesha wateja wa Airtel wote nchini kupata huduma ya internet au data yenye ubora wa hali ya juu pamoja na kasi zaidi”.

Tunafanya ubunifu wa kuleta huduma zenye ubora zaidi katika mtandao kwa kuzingatia kuwa sasaivi dunia inauhitaji mkubwa sana wa huduma za kimtandao hasa kupitia simu ya mkononi.

Ukirejea takwimu zilizofanywa na kampuni ya McKinsey & Co. Telecommunications zinaonyesha  mpaka sasa kuna watumiaji wa simu za mkononi wapatao milioni 400 Afrika, na kwamba bara la  Afrika ni moja kati ya  soko linalokuwa kwa kasi zaidi huku soko la simu za mkononi likiendelea kukua na kupanuka zaidi na kufikia kutoa huduma za internet, huduma za benki kwa njia simu (mobile banking)   na biashara kwa njia ya mtandao yaani (mobile commerce) .

Hivyo basi kwa kuzingatia hili,  ndio maana Airtel tunaendelea na mikakati kama hii ya kuwaletea wateja internet yenye kasi zaidi ya 3.75G ambayo ni sambamba  na lengo letu la kuendea kupanua mtandao  ili kutoa mwanya wa mawasiliano kuwafikia wakazi wengi wa vijijini ambao walikuwa wamesahaulika na mapinduzi ya mawasiliano katika bara la Afrika.

“wote tunafahamu kuwa mawasiliano ni nyenzo muhimu kwa maendeleo ya jamii ya sasa lakini bado kunachangamoto kubwa sana katika kupata huduma hii kwa baadhi ya sehemu barani Africa.

Lakini tukumbuke Mawasiliano ni haki ya msingi kwa kila mtu na si vinginevyo hivyo kwa kupitia mtandao wa Airtel internet yenye kasi zaidi ya 3.75G ninaamini tutaweza  kuunganisha idadi kubwa ya watu kwa kukuza mahusiano ndani na nje ya ya jamii zetu, kuendeleza na kuutangaza utamaduni wetu, pamoja na kupanua wigo wa wale wanaofanya biashara kupitia mtandao wa internet “ Aliongeza Elangalloor.

Ikiwa tayari mteja ameunganishwa na teknologia ya 3.75G simu yake itaonyesha 3.75G, HSDPA, WCDMA or HSPA. Hii inategemeana  na Aina ya simu aliyonayo mtumiaji lakini kasi ya kuunganishwa ni yenye ubora zaidi.

Airtel itaendelea kuwekeza kwenye huduma ya data katika soko lake lote huku lengo likiwa ni kuwa mtandao mpana zaidi wa teknologia ya 3.75G katika bara zima, na itaendelea kutoa huduma bora na inayokidhi mahitaji ya watumiaji.