 |
| Mama Salma Kikwete |
Na Anna Nkinda – Maelezo , Lindi
Vijana wametakiwa kutumia muda wao kufanya kazi kwa kujituma na kujiunga na vikundi vya maendeleo ili waweze kufikika kirahisi zaidi na kuwezeshwa kuichumi kuliko kutumia muda huo kwa kujihusisha na mambo yasiyoleta maendeleo.
Wito huo umetolewa jana na Mjumbe wa Halmashauri kuu ya Chama Cha Mapinduzi (CCM) taifa (NEC) ambaye pia ni Mke wa Rais Mama Salma Kikwete alipokuwa akiongea na wanakijiji cha Kikwetu kilichopo kata ya Mbanja wilaya ya Lindi mjini wakati wa ziara yake ya kichama ya siku saba wilayani humo.
Mama Kikwete alisema kuwa hivi sasa vijana wengi wamekuwa wakilaumu kuwa hakuna ajira jambo ambalo ni kweli vijana wengi lakini ukiangalia kwa undani utaona kuwa hawafanyi kazi na kutumia muda mwingi kucheza mchezo wa pool hasa nyakati za asubuhi. Nawaomba viongozi wa Serikali pangeni utaratibu ili mchezo huo uchezwe nyakati za jioni.
“Licha ya kutokupenda kufanya kazi, baadhi ya vijana wa kiume wanapenda kuwa na mahusiano ya kimapenzi na watoto wa shule yanayopelekea kupata ujauzito na kukatisha masomo yao, nawasihi muwaache mabinti hawa wasome kama kweli mnawapenda muwasubiri wanalize shule na kufuata taratibu ili muweze kufunga ndoa na siyo kuwachezea”, alisema Mama Kikwete.
Akiwa katika kata ya Rasbura aliwataka wakazi wa kata hiyo ambayo iko kandokando ya Bahari ya Hindi kujenga vyoo na kuvitumia kwani baadhi ya wananchi wanaoishi kandokando ya fukwe hawapendi kutumia vyoo na kwenda kujisaidia fukweni na kuwa katika hatari ya kupata maambukizi ya magonjwa ya mlipuko.
Alisema, “Muwe na tabia ya kujenga vyoo na kuvitumia kwani ukienda kujisaidia baharini ni hatari kwa kuwa bahari haina tabia ya kutunza uchafu hivyo basi baada ya muda itautema uchafu wote nje katika fukwe na kusababisha magonjwa na uharibifu wa mazingira.
Akisoma taarifa ya kata ya Mbanja diwani Hamidi Juma alisema kuwa idadi ya wananchi wanaofuga ng’ombe imeongezeka kutoka kaya 10 hadi 23 ambazo zinafuga ng’ombe 63 na kujiongezea kipato cha familia na hivyo kuwa na uhakika wa kujitapia chakula.
Kwa upande wa afya alisema kuwa licha ya kuwa na upungufu wa wahudumu wa afya katika kituo cha afya bado watumishi waliopo wanajitahidi kutoa huduma nzuri kwa wananchi na katika siku za hivi karibuni hakuna vifo vya kina mama wajawazito na watoto vilivyotokea pia hakuna magonjwa ya milipuko yaliyowakumba wananchi.
Taarifa ya Kata ya Rasbura ilionyesha kuwa Serikali ilifanya zoezi la kukagua nyumba 864 ili kuona kama zina vyoo na kugundua kuwa nyumba 675 zina vyoo vinavyokubalika , vyoo vibovu 141 na nyumba ambazo hazina vyoo ni 68. Kati ya hivi vyoo vya kawaida ni 487, vya kumwagia maji ni 17 na vyoo vya shimo vyenye karo na bomba wima 360.
Serikali ya kata hiyo pia ilitoa elimu ya ufugaji wa kisasa kwa kumtembelea mfugaji mmoja mmoja nyumbani kwake na kufanikiwa kuwafikia wafugaji 23 wa ng’ombe, mbuzi, kondoo, punda, nguruwe na kuku kwani kama mwananchi atafuga kitaalamu atajipatia pato la kutosha na hivyo kujikwamua kiuchumi.
Katika mkutano wa kijiji cha Kikwetu Mjumbe huyo wa NEC aliwapokea vijana 25 na mzee mmoja waliokuwa wanachama wa CUF na kujiunga na CCM. Akiwa katika kata za Mbanja, Rasbura na Mwenge alikabidhi kadi kwa wanachama wapya wa CCM 31, Umoja wa vijana 101, Umoja wa Wanawake 75 na Jumuia ya Wazazi 22.
Vijana wametakiwa kutumia muda wao kufanya kazi kwa kujituma na kujiunga na vikundi vya maendeleo ili waweze kufikika kirahisi zaidi na kuwezeshwa kuichumi kuliko kutumia muda huo kwa kujihusisha na mambo yasiyoleta maendeleo.
Wito huo umetolewa jana na Mjumbe wa Halmashauri kuu ya Chama Cha Mapinduzi (CCM) taifa (NEC) ambaye pia ni Mke wa Rais Mama Salma Kikwete alipokuwa akiongea na wanakijiji cha Kikwetu kilichopo kata ya Mbanja wilaya ya Lindi mjini wakati wa ziara yake ya kichama ya siku saba wilayani humo.
Mama Kikwete alisema kuwa hivi sasa vijana wengi wamekuwa wakilaumu kuwa hakuna ajira jambo ambalo ni kweli vijana wengi lakini ukiangalia kwa undani utaona kuwa hawafanyi kazi na kutumia muda mwingi kucheza mchezo wa pool hasa nyakati za asubuhi. Nawaomba viongozi wa Serikali pangeni utaratibu ili mchezo huo uchezwe nyakati za jioni.
“Licha ya kutokupenda kufanya kazi, baadhi ya vijana wa kiume wanapenda kuwa na mahusiano ya kimapenzi na watoto wa shule yanayopelekea kupata ujauzito na kukatisha masomo yao, nawasihi muwaache mabinti hawa wasome kama kweli mnawapenda muwasubiri wanalize shule na kufuata taratibu ili muweze kufunga ndoa na siyo kuwachezea”, alisema Mama Kikwete.
Akiwa katika kata ya Rasbura aliwataka wakazi wa kata hiyo ambayo iko kandokando ya Bahari ya Hindi kujenga vyoo na kuvitumia kwani baadhi ya wananchi wanaoishi kandokando ya fukwe hawapendi kutumia vyoo na kwenda kujisaidia fukweni na kuwa katika hatari ya kupata maambukizi ya magonjwa ya mlipuko.
Alisema, “Muwe na tabia ya kujenga vyoo na kuvitumia kwani ukienda kujisaidia baharini ni hatari kwa kuwa bahari haina tabia ya kutunza uchafu hivyo basi baada ya muda itautema uchafu wote nje katika fukwe na kusababisha magonjwa na uharibifu wa mazingira.
Akisoma taarifa ya kata ya Mbanja diwani Hamidi Juma alisema kuwa idadi ya wananchi wanaofuga ng’ombe imeongezeka kutoka kaya 10 hadi 23 ambazo zinafuga ng’ombe 63 na kujiongezea kipato cha familia na hivyo kuwa na uhakika wa kujitapia chakula.
Kwa upande wa afya alisema kuwa licha ya kuwa na upungufu wa wahudumu wa afya katika kituo cha afya bado watumishi waliopo wanajitahidi kutoa huduma nzuri kwa wananchi na katika siku za hivi karibuni hakuna vifo vya kina mama wajawazito na watoto vilivyotokea pia hakuna magonjwa ya milipuko yaliyowakumba wananchi.
Taarifa ya Kata ya Rasbura ilionyesha kuwa Serikali ilifanya zoezi la kukagua nyumba 864 ili kuona kama zina vyoo na kugundua kuwa nyumba 675 zina vyoo vinavyokubalika , vyoo vibovu 141 na nyumba ambazo hazina vyoo ni 68. Kati ya hivi vyoo vya kawaida ni 487, vya kumwagia maji ni 17 na vyoo vya shimo vyenye karo na bomba wima 360.
Serikali ya kata hiyo pia ilitoa elimu ya ufugaji wa kisasa kwa kumtembelea mfugaji mmoja mmoja nyumbani kwake na kufanikiwa kuwafikia wafugaji 23 wa ng’ombe, mbuzi, kondoo, punda, nguruwe na kuku kwani kama mwananchi atafuga kitaalamu atajipatia pato la kutosha na hivyo kujikwamua kiuchumi.
Katika mkutano wa kijiji cha Kikwetu Mjumbe huyo wa NEC aliwapokea vijana 25 na mzee mmoja waliokuwa wanachama wa CUF na kujiunga na CCM. Akiwa katika kata za Mbanja, Rasbura na Mwenge alikabidhi kadi kwa wanachama wapya wa CCM 31, Umoja wa vijana 101, Umoja wa Wanawake 75 na Jumuia ya Wazazi 22.
No comments:
Post a Comment