Nyumba 3 za Airtel Yatosha zilizopo Kigamboni kukamilika punde

Baadhi ya waandishi wa vyombo vya habari nchini walipotembelea moja kati ya Nyumba 3  zinazotarajiwa kutolewa katika promosheni ya AIRTEL YATOSHA  mwishoni mwa mwezi huu. Nyumba hizi ziko katika eneo la Kibada wilaya ya Temeke  ambapo zimenunuliwa na Airtel toka shirika la nyumba la taifa kwaajili ya promosheni ya AIRTEL Shinda Nyumba 3.

Meneja Mawasiliano wa Shirika la Nyumba la  Taifa (NHC), Bw. Yahaya Charahani akiongea na waandishi wa habari (hawapo pichani) wakati waandishi hao walipotembelea eneo la Kibada wilaya ya Temeke kujionea Nyumba 3 zinazoshindaniwa katika promosheni ya Airtel Yatosha. Nyumba hizi zimenunuliwa na Airtel toka shirika hilo. Kulia ni Meneja Uhusiano wa Airtel Bw, Jackson Mmbando.

Meneja Uhusiano wa Airtel, Bw. Jackson Mmbando akiongea na waandishi wa habari (hawapo pichani) wakati ambapo waandishi hao walitembelea eneo la kibada wilaya ya Temeke kujionea Nyumba 3 zinazoshindaniwa katika promosheni ya Airtel Yatosha. Nyumba hizi zimenunuliwa na Airtel toka shirika la nyumba la taifa kwaajili ya promosheni ya AIRTEL Shinda Nyumba 3.

**********************************

•  NHC yathibitisha Nyumba hizo kukamilika punde
•  Mshindi wa kwanza kupatikana mwishoni mwa mwezi huu.
SHIRIKA la Nyumba la Taifa (NHC), limewathibitishia watanzania kwamba tayari nyumba tatu zinazoshindaniwa katika promosheni ya Airtel Yatosha zimekamilika na tayari mafundi wanafanya matengenezo ya mwisho tayari kwa kukabidhiwa kwa washindi hao.

Meneja Mawasiliano wa NHC, Yahaya Charahani alibainisha hayo mwishoni mwa wiki wakati wanahabari kutoka vyombo mbali mbali walipotembelea nyumba hizo kujionea jinsi mradi huo uliopo Kibada karibu kabisa na Tuangoma wilayani Temeke unavyokwenda.

 “Nyumba hizi tatu zenye vyumba vitatu vya kulala, jiko, sebule nzuri pamoja na sehemu ya nje iliyonakishiwa kwa umakini ili kuipa nyumba mvuto wa hali ya juu zimejengwa kwa gharama ya milioni 194/- tayari zimekamilika na pindi washindi watakapotangazwa wataweza kuhamia katika nyumba hizi mara moja tu." alisema Charahani.

Aidha aliwataka wateja wa kampuni ya Airtel kuzitembelea nyumba hizo na kujionea wenyewe kiwango cha ubora wa nyumba hizo, ili waweze kuhamasika zaidi kushiriki katika promosheni hiyo.

Nae Meneja Uhusiano wa Airtel, Jackson Mmbando aliwataka Watanzania kuendelea kutumia mtandao wa Airtel hususani huduma ya Yatosha kwa kupiga *149*99# na kuchagua vifurushi vinavyowatosha  ili kujihakikishia nafasi ya kushinda nyumba hizo.

"Airtel imedhamiria kutatua matatizo ya wateja wake kwa kutoa huduma nafuu na bora kuliko mtandao wowote lakini pia  promosheni hii ya YATOSHA  inalenga kubadilisha maisha ya Watanzania hasa wale wanaotumia mtandao wetu wa Airtel." alisema Mmbando.

Alifafanua kuwa katika promosheni hiyo jumla ya million 284/- zitatumika kuwazawadia wateja wa kampuni hiyo, ambapo milioni 194/- zitanunua nymba hizo tatu kutoka NHC na kiasi kinachobaki kwa siku 90 Airtel itatoa milioni moja kwa mshindi mmoja kila siku.