Airtel yaendelea kutoa zawadi kwa washindi wa Yatosha

Mshindi wa promosheni ya Airtel inayofahamika kwa jina la Airtel yatosha shinda nyumba 3, Bw. Hashim Mtindo mkazi wa Kigamboni akiwa ameshikilia pesa zake baada ya kukabidhiwa kitita hicho kama mshindi aliyeibuka kupitia promosheni maalum ya Airtel yatosha shinda nyumba 3. Kulia kwake ni Afisa huduma kwa wateja wa Airtel Bi,  Happy Valence.

Bw. Hashim Mtindo akiwa anahesabu pesa zake kiasi cha shilingi milioni moja ambazo alikabidhiwa jana makao makuu ya Airtel Dar es salaam baada ya kuibuka mshindi kupitia promosheni maalumu ya Airtel inyofahamika kwa jina la Airtel yatosha shinda nyumba 3.Awali mshindi huyo alikuwa haamini kabisa mpaka alipozishika pesa hizo na kuanza kuzihesabu.

Mmoja kati ya washindi saba waliojishindia milioni moja kupitia promosheni maalumu ya Airtel yatosha shinda nyumba 3, Bw. Elineema Mahuki mkazi wa Kitunda- Dar es salaam  akihesabu pesa zake baada ya kukabidhiwa pesa hizo jana katika makao makuu ya Airtel Dar es salaam, Kulia kwake ni mtendaji kutoka kitengo cha huduma kwa wateja Happy Valence.

*************************

Promosheni ya Airtel yatosha imebakiza siku 25 kufikia ukingoni lakini bado Airtel imeeendelea kuwakabidhi washindi saba wa juma la nane shilingi milioni moja kila mmoja na papo hapo kuwatangaza wengine saba

watakaokabidhiwa wiki hii.

Washindi waliokabidhiwa pesa ni pamoja na Bw. Nemes Patricio mkazi wa Sumbawanga, Shaban Mganga mkazi wa Tanga, Hashim Mtindo mkazi Kigamboni Dar es salaam, Eliwangu Katila mkazi wa Morogoro, Elineema Mahuki mkazi wa Kitunda Dar es salaam, Pili Daga wa Shinyanga na Nobert Mochwe wa Singida.

Akizungumza baada ya kuchezeshwa kwa droo wiki hii, Meneja Uhusiano wa Airtel Bw. Jackson Mmbando alisema Airtel inawajali wateja wake na ina dhamira ya dhati ya kupunguza makali ya maisha kwa uma wa watanzania.

"Tumetoka kuwakabidhi washindi wa wiki iliyopita lakini bado tunaendelea kuonesha kuwa Airtel yatosha na imedhamiria kuisaidia jamii. Wiki hii tutaenda kuwakabidhi washindi wengine saba kuonesha kwamba  umedhamiria kupunguza makali ya maisha kwa uma wa Tanzania" alisema Mmbando.

Aliwataja washindi watakaokabidhiwa wiki hii ni pamoja na Zuberi Abdallah mkazi wa Geita, Natura Mgayuke mkazi na Alestina Joseph kutoka Morogoro, Agrey Mbise mkazi wa Arusha.

Wengine walioshinda ni pamoja na Nasra Shoo,Sharif Hemedi na Abdallah mhingo wote wakazi wa Dar es salaam.

Promosheni ya Airtel yatosha shinda nyumba 3,  bado inaendelea na kupitia promosheni hiyo wateja wa Airtel wanaweza kujishindia milioni moja kila siku na  hata nyumba mwisho wa mwenzi.

Mpaka sasa takribani shilingi milioni 63 zimeshaweza kutolewa kwa washindi mbambali nchi nzima na nyumba mbili zenye thamani ya shilingi milioni 65 kila moja zimeshapata washindi.