BREAKING NEWS: Mwandishi wa Habari wa Bussines Time apigwa Risasi

 Mwandishi wa habari ambaye ni Mhariri kwenye moja ya magazeti yanayomilikiwa na kampuni ya Business Times aitwaye Mnaku Mbani Lukanga amepigwa risasi usiku huu na hali yake ni mbaya sana.

Kwa Mujibu wa habari tulizozipata kupita mtandao wa Jamii Forum, Mnaku Mbani amekimbizwa katika hospitali ya Muhimbili kwa matibabu zaidi.

Inadaiwa kuwa alivamiwa na watu anaoamini yeye kuwa ni majambazi akiwa njiani kuelekea nyumbani kwake Mbagala, akitokea kazini Mtaa wa Lugoda ambapo walimvamia na kumnyang'anya funguo za gari na mwingine kufyatua risasi iliyopiga mdomoni na kutokea shavuni na kung'oka meno matatu.

Daily Mitikasi Blog inaendelea kufuatilia taarifa zaidi juu ya maendeleo yake na itaendelea kuwataarifu ikiwemo kisa cha kupatwa na maswahibu hayo.