Mamia wajitokeza Usaili wa Maisha Plus Dar

Mamia ya vijana walijitokeza katika usaili wa mashindano ya Maisha Plus mwishoni mwa wiki ili kufanya usaili wa mashindano hayo kwa msimu wa tano.

Vijana kibao wamejitokeza katika usaili wa #MaishaPlusDar kijiji cha Makumbusho Kijitonyama. #MaishaPlusYaMwendoKasi @azamtvtz @masoudkipanya

A video posted by Maisha Plus (@maishaplus2016) on Jun 18, 2016 at 3:38am PDT

Mashindano hayo yalifanyika katika kijiji cha Makumbusho Kijitonyama jijini Dar es salaam ambapo vijana waliojitokeza waliulizwa maswali mbalimbali ikiwemo mtazamo wao juu ya mwenendo wa kiuchumi ndani na nje ya Tanzania, afya, kilimo, ufugaji na mengine.

Vijana waliofanyiwa usaili walitoka mkoa wa Dar es salaam pamoja na mikoa ya jirani ikiwemo Pwani.

Usaili wa #MaishaPlus #DarEsSalaam unafanyika leo Jmosi 18.06.2016 katika Kijiji cha Makumbusho, Kijitonyama. Unaweza kuwahi. Umri ni miaka 18-26. #MaishaPlusDar #VijanaNdioNgazi #MaishaPlusYaMwendoKasi

A video posted by Maisha Plus (@maishaplus2016) on Jun 17, 2016 at 11:04pm PDT

"Maswali yetu huwa hayana utaratibu, wala sio maswali ambayo mshiriki anaweza kujiandaa. Mengi huwa yanakusudia kupima uelewa wa mshiriki juu ya maswala mbalimbali ya kidunia na namna anavyoweza kukabiliana na changamoto mbalimbali." Alisema Masoud Kipanya, Jaji na mwanzilishi wa mashindano ya Maisha Plus.

Akitaja vigezo vya kushiriki Maisha Plus, Kaka Bonda, miongoni mwa majaji na waanzilishi wa Maisha Plus alisema, "Tunachukua washiriki wenye umri wa miaka 18 hadi 26, walio na elimu na ambao hawajasoma kabisa, wawe raia kutoka nchi za Afrika Mashariki"

Maisha Plus kwa mwaka huu wa 2016 inatarajia kuchukua washiriki 30 kutoka nchi tano ambazo ni Burundi, Rwanda, Kenya, Uganda na Tanzania ambapo mshindi atafadhiliwa wazo la biashara lenye thamani ya fedha ya kitanzania Milioni 30. Kauli mbiu ya mashindano haya kwa mwaka huu ni 'Vijana Ndio Ngazi'.

Usaili unaendelea katika mikoa mingine na nchi nyingine nje ya Tanzania. Vijana wametakiwa kusikiliza matangazo ya ratiba kupitia redio mbalimbali katika nchi shiriki, runinga ya Azam Two, mitandao mbalimbali ya kijamii pamoja na tovuti maalum ya mashindano hayo ya www.maishaplus.tv

Kutoka katika kijiji cha Makumbusho Kijitonyama #MaishaPlusDar inaendelea. #MaishaPlusYaMwendoKasi #VijanaNdioNgazi

A photo posted by Maisha Plus (@maishaplus2016) on Jun 18, 2016 at 6:21am PDT

Nini kinasababisha muungurumo kifuani tunapobanja? Maswali ya Usaili Daslam kijiji cha makumbusho kijitonyama. #MaishaPlusEastAfrica2016 #MaishaPlusYaMwendoKasi

A photo posted by Masoud Kipanya (@masoudkipanya) on Jun 18, 2016 at 5:14am PDT

Tunamalizia hivi kutoka kijiji cha Makumbusho Kijitonyama ulipofanyika usaili wa #MaishaPlusDar. Asanteni sana vijana wote mlioshiriki kwa wingi na wale wa mkoa wa Pwani na mikoa mingine mliojitokeza. Mliokosa nafasi kwa sababu ya kuchelewa ama sababu nyingine, poleni sana na karibuni msimu mwingine. Endelea kutufuatilia hapa mtandaoni na kupitia king'amuzi cha @azamtvtz kujua lini tutakua mkoani kwako. #MaishaPlusYaMwendoKasi #VijanaNdioNgazi

A photo posted by Maisha Plus (@maishaplus2016) on Jun 18, 2016 at 11:26am PDT