Buriani Mama Esther Nyimbo Badi

Mama Esther Nyimbo Badi enzi za uhai wake hapa ilikuwa Jumatatu ya Krismas Desemba 26.2011 pale nyumbani Wilolesi Iringa Mjini.

Picha ya ukumbusho mbele ya jeneza lenye mwili wa mama yangu mpendwa, Esther Nyimbo Badi  hapa ilikuwa nyumbani pale Wilolesi Iringa Mjini. Marehemu Mama Esther Badi ambaye ni mama mzazi wa Mmiliki na Mhariri Mkuu wa blog hii, John Badi (pichani) alifariki dunia Februari 22 . 2012 majira ya saa 12:30 katika Hospitali ya Aga Khan kutokana na Shinikizo la Damu lililopelekea kupata Stroke na baadaye kuzikwa kijijini Ilembula Njombe Februari 26.2012.

Askofu Mkuu wa Kanisa la Kiinjili la Kilutheri Dayosisi ya Iringa, Owdenburg Mdegela na akiusalia mwili wa mama Esther Nyimbo Badi katika kanisa la KKKT la Ilembula Wilaya ya Njombe baada ya kuuga mwili wa marehemu tayari kwa mazishi yaliyofanyika katika Makaburi ya Igula- Ilembula.Kulia kwake ni  Askofu Mkuu Mengele. 

Safari ya mwisho ya Mama Esther Nyimbo Badi katika makaburi ya Igula-Ilembula.

Askofu Mkuu wa Kanisa la Kiinjili la Kilutheri Dayosisi ya Iringa, Owdenburg Mdegela na Askofu Mengele wakiweka mchanga kaburini wakati wa mazishi.

Hapa nikiweka taji la maua juu ya kaburi la mama.

Familia ya Marehemu Mama Esther Nyimbo Badi ikiwa katika picha ya pamoja baada ya mazishi. Katikati (mwenye shati jeusi) ni Dada Mkubwa wa familia, Mama Blandina Nyoni. Wa (tano Kulia) ni Mama mdogo, Eliza.

Mbunge wa Njombe Magharibi (CCM), Gerson Lwenge akitoa salamu za rambirambi za chama chake.