Mashindano ya Ngumi ya Taifa 2014 yasogezwa mbele

Dar es Salaam

Shirikisho la ngumi Tanzania (BFT) limesogeza tarehe ya kufanyika kwa mashindano ya ngumi ya Taifa na sasa yatafanyika kuanzia tarehe 03-08/11/2014 Dar es salaam.

Awali mashindano hayo yalikuwa yamepangwa kufanyika tarehe

08-14/10/2014 Dar es salaam.

Sababu za kusogeza mashindano hayo ni kuyapisha mashindano ya ngumi ya kimataifa yaliyoandaliwa na chama cha ngumi wilaya ya Temeke yanayotarajia kuanza kufanyika mwishoni mwa mwezi huu, lakini pia ni kutoa nafasi zaidi kwa mikoa ili kujiandaa vizuri  na kufanya mashindano ya kuwapata wawakilishi wa mikoa yao katika mashindano ya taifa.

BFT tunawataki maandalizi mema na tunatoa wito kwa maafisa michezo wa mikoa yote ya Tanzania bara kuhakikisha wanaleta wachezaji kutoka katika mikoa yao ili kuleta upinzani utakaopelekea  kupata timu ya taifa iliyo bora kutoka katika mikoa yote ya Tanzania bara.

Aidha BFT inawapongeza kampuni ya simu za mkononi ya Zantel kwa udhamini wa mashindano hayo kwa kutoa kiasi cha Tsh. 10,000,000/=ambazo zitasaidia baadhi ya mahitaji ya msingi ya kufanikisha mashindano hayo.

Imetolewa na:      

Makore mashaga

KATIBU MKUU

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

Mashindano ya Ngumi ya Wavuvi Boxing Tournament  kufanyika Septemba 13, Bagamoyo

Dar es Salaam

Shirikisho la ngumi Tanzania (BFT) limeaandaa mashindano ya ngumi ya wavuvi Boxing TOUNAMENT yatakayoanza kufanyika tarehe 13/09/2014 katika fukwe za Bagamoyo na baadaye kuendelea katika fukwe mbalimbali.

Lengo la mashindano hayo ni  kuhamasisha jamii ya wavuvi na watu wanaowazunguka kujishughurisha na masuala ya michezo na hasa mchezo wa ngumi baada ya shughuri zao za uvuvi na kuwafanya kuondokana na vitendo viovu vinavyotokana na utumiaji wa vilevi mbalimbali kupita kiasi na zaidi kuvumbua vipaji kutoka katika jamii hiyo ikiwa pamoja na kuwapa burudani.

Katika utafiti uliofanywa na BFT tumegunduwa kuwa katika jamii ya wavuvi wapo wengine wanaopenda michezo hasa mchezo wa ngumi hii ni kutokana na asili ya kazi yao ya uvuvi ya kutumia nguvu za mikono kwa ajili ya uvuvi na akili nyingi hivyo tumeazimia kuanza kuwafikia kwa vitendo kwa kufanya mashindano katika maeneo yao ili kuwahamasisha kijiingiza zaidi katika michezo.

Mashindano hayo yatakuwa yanafanyika kila siku ya jumamosi kwa fukwe mbalimbali za  bahari ya hindi na baadaye kuhamia katika fukwe za maziwa makuu.

Mashindano haya yamedhaminiwa na kampuni ya Sam & Anzai Boat Builder C.,Ltd kwa kushirikiana na  C&G

   

Imetolewa na: 

Makore Mashaga

Katibu Mkuu