Rais Kikwete amteua Bi. Karolina Mthapula kuwa Msaidizi Wake Kitengo cha Uchumi (Masuala ya Elimu).

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amemteua Bibi Karolina Albert Mthapula kuwa Msaidizi wa Rais – Kitengo cha Uchumi (Masuala ya Elimu).

Taarifa iliyotolewa leo, Jumatano, Agosti Mosi, 2012 na Katibu Mkuu Kiongozi (KMK), Balozi Ombeni Y. Sefue kupitia Kurugenzi ya Mawasiliano ya Rais – Ikulu, inasema kuwa uteuzi huo unaanza leo hii.

Kabla ya kuteuliwa kwake, Bibi Mthapula alikuwa Ofisa Elimu katika Wizara ya Elimu na Mafunzo ya Ufundi.

Imetolewa na:

Kurugenzi ya Mawasiliano ya Rais,

Ikulu.

Dar es Salaam.

1 Agosti, 2012