 |
| Mkurugenzi Mtendaji wa Tamwa, Ananilea Nkya. |
Wataalamu wa masuala ya ukatili wa kijinsia (GBV) kesho Jumatano, (12 Oktoba, 2011) watakutana na wahariri wa vyombo mbalimbali vya habari huko Zanzibar kujadili mikakati ya kutokomeza ukatili huo unaoongezeka kwa kasi nchini.
Mkutano huo utafanyika Mlandege katika ukumbi wa Shirika la Habari Tanzania (MCT), Zanzibar na kuhusisha wataalamu kutoka mashirika ya Shirika la Idadi ya Watu Duniani
(UNFPA), Wizara ya Kazi, Ajira na Maendeleo ya Wanawake na Watoto Zanzibar, Care Tanzania na Chama cha Wanasheria Wanawake Zanzibar.
Mkutano huo utawapa fursa wahariri kueleza uzoefu wao katika kuripoti vitendo vya ukatili wa kijinsia huko Zanzibar.
Vitendo vya ukatili wa kijinsia vilivyoshamiri Tanzania Visiwani ni pamoja na
ubakaji, ndoa za kulazimisha, mimba za utotoni, vipigo kwa wanawake, utelekezaji wa wanawake na watoto na wanawake kunyimwa fursa za kushiriki katika shughuli za kimaendeleo.
Tafiti zinaonesha kuwa vitendo hivyo vinaongezeka kutokana na kutokuwa na mbinu madhubuti za kukabiliana navyo miongoni mwa wadau pamoja na usiri unaoambatana na unyanyapaa dhidi ya waathirika.
Mkutano huo umeandaliwa na Chama cha Wanahabari Wanawake (TAMWA) kwa kushirikiana na Shirika la Umoja wa Mataifa linaloshughulikia idadi ya watu (UNFPA) kama sehemu ya shughuli za pamoja za Umoja wa Mataifa.
Wahariri wa habari pia wataeleza hatua watakazochukua ili kuimarisha uandishi wa habari za ukatili wa kijinsia kwa lengo la kushawishi mabadiliko kutoka ngazi za familia hadi taifa.
Vyombo vya habari vina umuhimu mkubwa katika kuzuia ukatili wa kijinsia kwa vile vina uhusiano wa moja kwa moja na jamii na watunga sera hivyo kujitolea kwake kunahitajika katika kukabili tatizo hili.
Aidha TAMWA inaamini kuwa wakati umefika sasa kwa jamii nzima kusimama kwa pamoja kuhakikisha kuwa wanaowafanyia vitendo vya ukatili wanawake, wasichana na watoto, sheria inachukua mkondo wake kwa wakati ili kudumisha amani kwa makundi yote katika jamii.
Imetolewa na:
Ananilea Nkya
Mkurugenzi Mtendaji
Mkutano huo utafanyika Mlandege katika ukumbi wa Shirika la Habari Tanzania (MCT), Zanzibar na kuhusisha wataalamu kutoka mashirika ya Shirika la Idadi ya Watu Duniani
(UNFPA), Wizara ya Kazi, Ajira na Maendeleo ya Wanawake na Watoto Zanzibar, Care Tanzania na Chama cha Wanasheria Wanawake Zanzibar.
Mkutano huo utawapa fursa wahariri kueleza uzoefu wao katika kuripoti vitendo vya ukatili wa kijinsia huko Zanzibar.
Vitendo vya ukatili wa kijinsia vilivyoshamiri Tanzania Visiwani ni pamoja na
ubakaji, ndoa za kulazimisha, mimba za utotoni, vipigo kwa wanawake, utelekezaji wa wanawake na watoto na wanawake kunyimwa fursa za kushiriki katika shughuli za kimaendeleo.
Tafiti zinaonesha kuwa vitendo hivyo vinaongezeka kutokana na kutokuwa na mbinu madhubuti za kukabiliana navyo miongoni mwa wadau pamoja na usiri unaoambatana na unyanyapaa dhidi ya waathirika.
Mkutano huo umeandaliwa na Chama cha Wanahabari Wanawake (TAMWA) kwa kushirikiana na Shirika la Umoja wa Mataifa linaloshughulikia idadi ya watu (UNFPA) kama sehemu ya shughuli za pamoja za Umoja wa Mataifa.
Wahariri wa habari pia wataeleza hatua watakazochukua ili kuimarisha uandishi wa habari za ukatili wa kijinsia kwa lengo la kushawishi mabadiliko kutoka ngazi za familia hadi taifa.
Vyombo vya habari vina umuhimu mkubwa katika kuzuia ukatili wa kijinsia kwa vile vina uhusiano wa moja kwa moja na jamii na watunga sera hivyo kujitolea kwake kunahitajika katika kukabili tatizo hili.
Aidha TAMWA inaamini kuwa wakati umefika sasa kwa jamii nzima kusimama kwa pamoja kuhakikisha kuwa wanaowafanyia vitendo vya ukatili wanawake, wasichana na watoto, sheria inachukua mkondo wake kwa wakati ili kudumisha amani kwa makundi yote katika jamii.
Imetolewa na:
Ananilea Nkya
Mkurugenzi Mtendaji
No comments:
Post a Comment